UPNrekin harremana moztu eta Nafarroan alderdia sortzeari ekin dio PPk, eta Jose Ignacio Palacios Espainiako Senatuko kidea izango da sorreraren koordinatzailea, gaur PPko Espainiako Batzorde Exekutiboak onartu duenez.
Amaia Zarranz Atarrabiako (Nafarroa) zinegotzia izango da idazkaria -UPN utzi berria du-, eta Santiago Cervera Espainiako diputatua -atzo jakinarazi zuen UPNtik PPra pasatuko dela- eta Jaime Ignacio del Burgo diputatu ohia ere sorrerari buruzko batzordeko kide izango dira -Del Burgok ere laga du UPN-.
Palacios aurretik Iruñeko zinegotzi eta Nafarroako parlamentari ere izana da, UPNtik. Joan den martxoko Espainiako hauteskundeez geroztik da senatari. UPNk eta PPk 1991n egin zuten ituna, eta Palacios ordura arte PPko kidea zen.
Hogei lagun baino gehiago egongo dira Nafarroako batzorde eragilean, Alderdi Popularrak dioenez. "Denak ez dira izango UPNtik etorritakoak; gizarteko jendea ere egongo da".
Politika
Jose Ignacio Palacios senataria, Nafarroako PPren sorreraren koordinatzaile
Amaia Zarranz Atarrabiako zinegotzia izango da batzordeko idazkaria, eta Santiago Cervera eta Jaime Ignacio del Burgo ere taldeko kide izango dira.
Iruzkinak
Ez dago iruzkinik
Ordenatu
