Hona hemen, aurrerapen gisa, Jose Luis Elkororen esan batzuk:
- "Orkatilako gailu telematikoa kendu didatenetik animo hobea dut. (...) Azkeneko hamar urteetan-edo gizartetik kanpo egon naiz, deskonektatuta; ez politikoki bakarrik, baizik familia, lagun eta lan aldetik ere bai".
- "Irtenbiderako, lehenengo, presoena konpondu behar da. Erabakitzeko gaitasuna ere behar dugu".
- "Euskal Herrian zatituta gauden bitartean, oso zaila izango da lorpen garrantzitsuak ateratzea".
- "Elkartasuneko proiektu baterako, kultura, jakituria eta gaitasuna duten pertsonak behar dira. Bada bat: Arnaldo Otegi".
- "Suarezek nahi izan zuen Egin ixtea, Felipe Gonzalezek ere bai, baina ez ziren ausartu. Aznar, bai, baina hari EAJk alfonbra gorria jarri zion. Ez zen herriaren bazterketarik izan".
