Madrilgo Barajas aireportuan Juan Manuel Intziarte Gallardo (Donostia, 1954) iheslaria atxilotu du gaur goizean Espainiako Poliziak. Baltasar Garzon Espainiako Auzitegi Nazionaleko epailearen aurretik igaro da eta horrek espetxeratzeko agindua eman du. Bizkaia komandoko kide izatea eta hiru erailketa egitea egotzi dio epaileak.
Mexikotik Espainiara kanporatu dute Intziarte, Mexikoko agintariek haren egoera legala aztertzean irregulartasunak nabaritu ostean. Intziarteren gain, 1991ko atxiloketa agindu bat zegoela adierazi du Poliziak 80ko hamarkadan atentatuak egitea egotzita. 1996. urteaz geroztik Intziarte Mexiko Hirian bizi zen.
politika
Juan Manuel Intziarte iheslaria atxilotu dute Madrilgo aireportuan
Garzon epailearen aginduz espetxeratu egin dute. Mexikoko agintariek haren egoera legala aztertzean irregulartasunak nabaritu ostean, Espainiaratu dute gaur goizean.
Iruzkinak
Ez dago iruzkinik
Ordenatu
