KOOPERANTEAK, SAHARARA BIDEAN

Espainiako Gobernuak segurtasuna bermatu gabe dagoela badio ere, kooperanteek Saharako kanpalekuetara itzultzea erabaki dute. Madrildik atzo abiatu ziren. Euskal herritarrak badira tartean. Jesus Martinez Mundubat taldeko kideak aireportuan esan zuen hasitako lana bukatzera itzuli dela Tindufera. Gobernuaren jarrera salatu dute kooperanteek; uste dute Marokori mesede egin nahi diola. Gipuzkoako Aldundiak 50.000 euro jarriko ditu Saharako goseteari aurre egiteko.