Sumar egitasmoaren aurkezpen bira egiten ari da Yolanda Diaz, Espainiako Gobernuko bigarren presidenteordea eta Enplegu ministroa. Bilboko Uribarri auzoan aurkeztuko du egitasmoa, bihar. Lander Martinezek, Elkarrekin Podemoseko idazkari ohiak koordinatuko du aurkezpen bira. 2020aren otsailean utzi zuen Podemoseko kargua, eta ordutik Diazekin elkarlanean ari da.
Plataformaren helburua da PSOE alderdiaren ezkerrean geratzen diren sektoreak bildu, eta espazio politiko bat sortzea marka horren azpian. Araba, Bizkaia eta Gipuzkoako Podemoseko buru nagusiek babesa helarazi diote Diazen proiektuari.