Gasteizeko obra batean lanean ari zen behargin bat hil da. Aldamio batetik erori da, hiru bat metroko altueratik. Eusko Jaurlaritzako Segurtasun Saileko iturriek Efe berri agentziari adierazi diotenez, 14:00ak inguruan gertatu da ezbeharra, Olarizu etorbideko 32. zenbakiaren parean.
Hildakoaren lankideek deitu diete larrialdi zerbitzuetako kideei. Horiek korderik gabe aurkitu dute lurrean, eta ezin izan dute suspertu. Ez dago argi zerk eragin duen erorikoa.
