Langraizko espetxe zaharra ez dutela itxiko uste du Salhaketak

Langraizko espetxe zaharra irekita mantenduko dutela uste du Salhaketak, Mikel Cabieces Espainiako Gobernuaren EAEko ordezkariak kartzela berria bukatzean itxiko dela aurreratu arren. Kartzela zaharra hobetzeko «ehunka mila euroko» inbertsioa egin dela azaldu du Salhaketak, eta Cabiecesek aurreko astean egindako adierazpenak hauteskundeen aurreko testuinguruan heldu direla. Bestetik, eraikitzen ari diren kartzela berriaren aldeko «intoxikazio informatiboa» eman dela uste du Salhaketak. Eraikuntza eredua preso egongo direnentzat «laidogarria» dela azaldu du, eta kokapena dela eta, kartzela berria zaharra baino hotzagoa eta hezeagoa izango dela gaineratu du.