Larrialdi egoera sei hilabetez luzatzearen alde bozkatu du Frantziako Asanbleak

PARIS. Ostegunean Nizan izandako erasoaren ondotik, larrialdi egoera sei hilabetez luzatzea erabaki zuten atzo Frantziako Asanblean. 2015eko azaroan Parisen gertatutako atentatuen ondoren ezarri zuten: justiziaren erabakirik gabe atxiloketak eta miaketak egiteko aukera ematen dio Poliziari, besteak beste. Halaber, atzo jakin zen Baionako festak egin egingo direla; hartuko dituzten segurtasun neurriak aurkeztuko dituzte, gaur, Baionako suprefeturan.