Arratsaldean, 15:00ak aurretik gertatu da ezbeharra A-15 autobidean, Berastegin (Gipuzkoa). Iruñe aldera zihoan auto bat bidetik atera da, eta malda batean behera joan. Ezbeharra Berastegiko irteeraren aurretik gertatu da, atsedenlekua baino lehenxeago.
Lau lagun zihoazen ibilgailuan, eta harrapatuta geratu dira. Suhitzaileak eta anbulantziak joan dira, eta helikoptero bat ere bai; haren bidez atera dituzte lau lagunak.
Segurtasun Saileko iturrien arabera, zaurituta daude laurak. Iruñe aldeko bidean, eskuineko erraila itxita dago.
