Laurogei bat gazte aritu dira krisi ekonomikoaz gogoetan

Krisi ekonomikoari eman beharreko erantzun eta alternatibei begira gogoetatzen aritu ziren goizarekin laurogei bat gazte. Korsikakoak, katalanak, okzitaniarrak, kurduak eta euskaldunak, nazio ezberdinetako gazte eragileen ordezkariak egon ziren. Ernaiko Irati Sienra ere egon zen hitza hartzen. «Hortik atera den ideia nagusitarikoa da herriz herri eraman alternatiba errealetatik lortuko direla helburu handiak», laburbildu zuen Koldo Etxegarai gazte dinamikako bozeramaileak. Eztabaidan zehar gazteriak ezagutu arazoez eta lurralde antolaketaz aritu ziren hausnarketan. «Lurralde antolaketak desmasia handiak ditu ondorio eta horri erantzun beharraz ere hitz egin dugu».