LEP berria ez da «nahikoa» EH Bildurentzat

GASTEIZ. Aurtengo uztailetik azarora, 7.639 lanpostuko lan eskaintza publikoa (LEP) aterako du Osasun Sailak «enplegua egonkortzeko eta finkatzeko Osakidetzan». EH Bilduk adierazi du LEP berriarekin ez dela langile gehiago egongo osasun sisteman, baizik lehengo hainbat lanpostu egonkortuko direla. «Hori ez dago gaizki, baina ez da nahikoa: ez du konponduko Osakidetzan dugun arazoa. Helburua behin-behinekotasun tasa %8ra jaistea da, eta LEP horrekin ezinezkoa izango da», koalizio abertzalearen ustez.