Bi lagunek Libiako gerraren aurkako protesta egin dute gaur, Bilbon, Sabin Etxeko sarreran zintzilikatuz. Pankarta bat erakutsi dute zintzilik egon diren artean: "EAJ-PNV Libiarko gerrari bai. Gerra inperialistarik ez", zioen pankartak. Suhiltzaileek jaitsi dituzte bi ekintzaileak, eta Ertzaintzak identifikatu egin ditu.
Ohar batean, Ekologistan Martxan-ek, KEM-MOCek, Kakitzatek, Sare Antifaxistak eta Komite Internazionalistak bat egin dute ekintzarekin, eta gerrak herritarrengan heriotza eta miseria sortzen duela salatu dute: "EAJ, PSOE, PP, CiU, ERC, ICV, UPD, UPN eta CCren protagonismoa salatu nahi dugu, herritarrak babesteko aitzakia faltsuarekin, benetan potentzia handien interesak defenditzen ari direlako. Libiako herritarrek pairatzen dituzten ondorioak alderdi guzti horien erantzukizuna da".
