Luix Barinagarrementeria proposatuko du EH Bilduk EAEko ararteko izateko

GASTEIZ. Manu Lezertua jurista izango da hurrengo EAEko arartekoa, EAJk, PSE-EEk eta PPk adostuta, baina EH Bildu ez dator bat erabakiarekin, eta beste hautagai bat proposatuko du Eusko Legebiltzarrean: Luix Barinagarrementeria abokatua. 47 urte ditu, Donostiakoa da, eta euskalduna. Juanjo Agirrezabala legebiltzarkideak azaldu du «Ararteko eredu berri bat» proposatu nahi dutela.