Maixabel Lasak dio estatuak ere barkamena eskatu beharko diela biktimei

Maixabel Lasa Eusko Jaurlaritzaren Biktimen Arretarako zuzendariaren ustez, Espainiako Estatuak ere barkamena eskatu beharko die «Estatuaren legez kanpoko indarkeriaren biktimei». Lasaren ustez, botere publikoek «zorra» dute «ordaina jaso ez duten Estatuaren biktimekin», eta hori kitatu beharra dute. Hala egiteak, gainera, «botere publikoek biktimen aurrean zorrotz jokatzeak» eta «iraganaren berrikuspen kritikoa» egiteak, indarkeriari zilegitasuna kentzen lagundu eta «zuzenbide estatuaren jarduera legitimatu» egingo lukeela dio. Justizia Saila bide horretan neurriak prestatzen ari dela eta «aurki» horren inguruko «albisteak» egongo direla iragarri du.