Milaka lagunek zuten zozketarako txartela. Haiek guztiak saski batean sartu, ondo-ondo nahastu eta bat atera du Martxelo Otamendi BERRIAko zuzendariak, gaur, Andoainen, kazetaren erredakzioan. Ireki du, eta han ikusi da nor den garailea: Mari Kruz Egaña lekeitiarra.
Ekainaren hasieran hasi ziren txartelak banatzen. Euskal Herrian 300 denda baino gehiago dira Berrialagun-ak, eta haietan erosketak egin dituztenei txartelak eman dizkiete. Orain, Mari Kruz Egañak 300 denda horietan gastatzeko 1.000 euro ditu.
BERRIAk Euskal Herri osoan laguntzaile dituen Berrialagun denda eta tabernei bere proiektuaren alde egiten duten ekarpena eskertzeko egin du zozketa BERRIAk. Helburua, aldi berean Berrialagun diren komertzioak eta herritarrak saritzea izan da.
