Maria Maeztuko kideek Emakunde saria jaso, eta inboluzioaz ohartarazi dute

GASTEIZ. Eusko Jaurlaritzako lehendakari Iñigo Urkullurren arabera, gizon eta andreen arteko berdintasunen aldeko bidea «atzera bueltarik gabeko konpromisoa» da. 2014ko Emakunde saria jaso zuten atzo Gasteizen Maria Maeztu Forum Feministako ordezkariek, eta horren harira mintzatu zen. Forumeko kideek, aldiz, inboluzio arriskuez ohartarazi zuten, krisiak atzerapausoak ekarri dituela eta. Genero indarkeriari ere erreparatzeko eskatu zuten. Getxon (Bizkaia), gizon bat atxilotu dute bikotekidearekiko urruntze agindua apurtzea egotzita.