Martxelo Otamendi eta Iñaki Garcia gaur Memoria Lantaldean

GASTEIZ. Eusko Legebiltzarreko Memoria Lantaldean beste bi agerraldi izango dira gaur: Martxelo Otamendi BERRIA egunkariko zuzendariarena batetik, eta Iñaki Garcia Arrizabalagarena bestetik. Euskaldunon Egunkaria-ren operazioan jasandako torturez ariko da bata; Komando Autonomo Antikapitalistek hiliko Juan Manuel Garcia Arrizabalagaren semea da bestea.