MARTXOAREN 3A GOGOAN

1976ko martxoaren 3an Espainiako Poliziak Gasteizen hil zituen bost langileen omenezko murala (Oroimena, justizia eta egia) jarri zuten, atzo, Arabako hiriburuko Martxoaren 3aren plazan. Aurten 35 urte bete dira sarraskia gertatu zela. Greban zeuden langileek eliza batean babesa hartu ondoren, poliziek gasa bota zuten, jendea irtenarazteko asmoz, eta, orduan, tiroka hasi ziren. Ondorioz, bost langile hil zituzten, eta ehundik gora zauritu izan ziren.