Pasaiako (Gipuzkoa) Portuko Agintaritzako presidente izendatu dute Miguel Buen Espainiako Kongresuko PSE-EEko diputatua (Zaragoza, Espainia; 1947). Iñaki Arriola Eusko Jaurlaritzako Etxebizitza, Herrilan eta Garraio sailburuak proposatu zuen Buen postu hori betetzeko eta egindako eskaera hori gaur onartu du Jaurlaritzak batzar batean. 1998. urtean Pasaiako portuko zuzendaritza Buenen esku egon zen bi hilabetez, Jose Ignacio Espelek (EAJ) ordezkatu zuen arte.
Orain, berriz, Buenek Joxe Juan Gonzalez de Txabarri (EAJ) orain arteko presidentea ordezkatu du karguan. Errenteriako (Gipuzkoa) alkate izana da Buen, baita Gipuzkoako Batzar Nagusietako kidea ere.
Pasaiako portuko presidente kargua "pozez" hartu duela adierazi du, eta hori "inguruko herrientzat motorra" izango dela nabarmendu.
Kanpoko kaiaren egitasmoaren aldekoa da Buen ere.
EkoNOMIA
Miguel Buen izendatu dute Pasaiako portuko presidente
Joxe Juan Gonzalez de Txabarri ordezkatu du Errenteriako alkate ohi eta PSE-EEko kideak.
Iruzkinak
Ez dago iruzkinik
Ordenatu
