Donostiako autobus konpainiako gidaria zen Mikel Zabalza, eta Altzako Txirrita bertsolaria plazan omendu dute, haren bizilekua zenetik gertu. 11:00 aldera, Zabalza zenaren argazki bat eta ikurrina jarri dute, xingola beltza batekin.
"Justizia eta erreparazioa" eskatu dute, eta nabarmendu inork ez duela erantzukizunik bere gain hartu gertatutakoarengatik. Zabalza 1985ean atxilotu zuen Guardia Zibilak, eta haren gorpua hogei egun ondoren agertu zen, Endarlatsa inguruan, tortura zantzuekin.
Bertaratutakoen izenean, Manex Arregik hartu du hitza: "Guk badakigu zer gertatu zen, badakigu Guardia Zibilak Mikel Zabalza hil zuela, torturak hil zuela". Igandean, Orbaizetan egin zioten omenaldia.
