62 urteko motor gidari bat hil da gaur arratsaldean Iguzkitzan (Nafarroa). Motoarekin furgoneta bat jo du aurrez aurre, NA-1110 errepidean.
SOS Nafarroak 13:38an jaso du istripuaren abisua. Lizarrako suhiltzaileak, eskualdeko mediku taldea, bi anbulantzia, helikopteroa eta foruzainak joan dira istripuaren lekura. Motor gidaria bertan hil da.
Gorpua Auzitegi Medikuntzako Nafarroako Institutura eramango dute. Foruzaingoa istripua ikertzen ari da.
