Mugarik Gabeko Medikuak elkarteak azaldu duenez, zailtasunak dituzte Gazan behar bezalako arreta emateko, eta ezin dira hainbat gunetara heldu.
Berez, osasun sistema "ahula" da Gazan, eta egoerak okerrera egin du Israelen erasoaldiarekin. Azpiegitura ugari kaltetuta daude erasoen ondorioz, tartean Europako ospitalea. "Gazako kaleak erabat hutsik daude; jendeak behar larrien aurrean bakarrik uzten du etxea", esan du Nicolas Palarus proiektuko koordinatzaileak.
Jakinarazi dutenez, hasierako egunetan SMS bat bidaltzen zitzaien palestinarrei, erasoez ohartarazteko. "Hau ez da jada sistematikoki gertatzen".
