MUGEI ETA KRIMINALIZAZIOARI UKO

Hainbat herritarrek bat egin zuten atzo Bilbon, arrazakeriaren eta xenofobiaren aurka eginiko protestan. SOS Arrazakeriak deitu zuen urteroko manifestaziora, eta, atzokoan, Kriminalizazioari ez, gure auzoak mugarik gabe lelopean elkartu ziren. Hainbat pankarta eta ikur eraman zituzten manifestariek. Arriaga plazatik abiatu ziren, arratsaldeko zazpietan, eta etorkinen aurkako bazterketa kritikatu zuten. Erakunde publikoen jarrera salatu zuten batik bat.