MUNDU MARTXAREN AMAIERA GOGOAN

Emakumeen Mundu Martxaren amaiera gaur izango da, Bukavun (Kongo), Pobreziaren Nazioarteko Eguna dela gogoraraziz. Ekitaldiarekin bat egiteko Euskal Herriko Emakumeen Mundu Martxak elkarretaratzea egin zuen atzo Bilbon. Bakea eta desmilitarizazioa ardatz, elkartasun keinua eduki nahi izan zuten Kongoko emakumeekin. Mundu Martxaren xede nagusia aurten, hain justu, emakumeen kontrako indarkeria gatazkekin eta militarizazioarekin lotzea izan da.