«Nire iritzia ez da aldatu: xenofoboa da Maiak esanikoa»

Iruñeko alkate Enrique Maiaren gaitzespenaren auzia hizpide izan zuen Eduardo Santos kontseilariak, atzo. Adingabe migratzaileak delinkuentziaren ustezko gorakada batekin lotu zituen Maiak. Migrazio Politiketako kontseilariaren ustez, hitz horiek «desegokiak» izan ziren, eta «diskurtso xenofobo» baten parte dira. PSNren iritzi aldaketaz galdetuta—alkatea gaitzesteko mozioa atzera botatzea adostua zuten sozialistek UPNrekin, Madrilen lan erreforma onartzearen truke—, Santosek izkin egin zion polemikari: «Nire iritzia lehengo bera da; besteek azaldu beharko dute zergatik aldatu duten eurena».