Odon Elorza (PSE-EE) Donostiako alkateak Espainiako bandera ez jartzeagatik hiriko epaitegian deklaratu behar izan du gaur goizean. Manos Limpias funtzionario publikoen sindikatu kolektiboak jarri zuen salaketa, haren ustezko desobedientzia delituagatik. Elorza “seguru” azaldu da salaketaren atzean PP dagoela, epailearen aurrean deklaratu ondoren esan duenez. Ordu laurdenez egon da deklaratzen.
Epailearen esku dago salaketak aurrera egingo duen erabakitzea. Alkateak ukatu egin du desobedientzia egin izana, eta “Justizian konfiatu” egiten duela adierazi du. PPk Espainiako hauteskunde aurreko giroa "nahastu" egin nahi duela deritzo.
Donostiako EAJk, EAk eta EB-Aralarrek bat egin dute Manos Limpiasen ekimena arbuiatzean. Aldiz, Maria Jose Usandizaga PPren bozeramaileak normaltzat jo du salaketa, “legea betetzen ez duen oro” edozein unetan salatua izan daitekeela argudiatuz.
Politika
Odon Elorza "seguru" dago bere kontrako salaketaren atzean PP dagoela
Donostiako alkateak Espainiako bandera ez jartzeagatik epailearen aurrean deklaratu du gaur. Manos Limpiasek sartu zuen parte, haren ustezko desobedientzia delituagatik.
Iruzkinak
Ez dago iruzkinik
Ordenatu
