Ordoñez omendu dute hil zutela 17 urte bete direnean

DONOSTIA. Gregorio Ordoñez PPko Donostiako zinegotzi zenari omenaldia egin zioten atzo Donostiako Polloe kanposantuan, ETAk hil eta 17 urtera. Ana Iribar alargunak esan zuen «terroristak damutzeak» justiziarekin elkarlanean aritzea ekarri behar duela, argitu gabeko heriotzak argitzeko. ETAren biktimekin «justizia» egiteko eskatu zion Ignacio Cosido poliziaburuari.