Otegiri eginiko omenaldia ikertzeko eskatu du DJk

MADRIL. Hainbat lagun ezagunek larunbatean Logroñoko espetxeko atarian egindako agerraldia ikertzeko eskatu dio Dignidad y Justicia elkarteak (DJ) Espainiako Auzitegi Nazionalari. Elkarteak uste du han egindako adierazpenetan «terrorismoa» goratu zutela. Arnaldo Otegi eta Logroñon dauden gainontzeko euskal presoak askatzeko eskatu zuten han bildutakoek.