Martin Barriuso Pannagh kalamuaren erabiltzaileen elkarteko presidenteak eta beste bi kidek atxilotuta segitzen dute, Bilboko udaltzainen esku, eta inkomunikatuta dauzkate, elkarteak gaur jakinarazi duenez. Astelehen arratsaldean izan ziren atxiloketak, Pannaghen egoitzan, droga trafikoa egotzita.
Oraingo operazioak besteetan egindakoen aldean "gardentasun txikiagoa" duela dio Pannaghek, eta bera droga arloko beste kontu batzuekin ez nahasteko eskatu du. "Gure elkarteak pausoak publiko egin izan ditu, eta erakundeekin egindako harremanetan gardentasuna eta parte hartzea erakutsi ditugu, narkotrafiko lanik egiten ez dugula erakusteko. Guk, merkatu beltza amaitzeko, kalamuaren arautzea baino ez dugu nahi".
Barriuso bihar gaiari buruz Erresuma Batuko Legebiltzarrean hitz egitekoa zen.
