Patxi Lopez Eusko Jaurlaritzako lehendakaria Gasteizko Txagorritxu ospitalean dute. Astearte gauean ospitaleko larrialdi zerbitzuetara joan zen lehendakaria, giltzurruneko kolikoak jota, eta harrezkeroztik han dute. Giltzurruneko harriak bota arte han izango dutela jakinarazi zioten sendagileek, eta ospitalean igaro zuen gaua.
Horiek horrela, Lehendakaritzak jakinarazi zuen, ohar baten bidez, lehendakariak egin beharreko ekitaldi ofizialak bertan behera geratu direla Lopezen osasunak hobera egin artean. Atzo ez zuen ekitaldi ofizialik agendan, eta gaur eta bihar Eusko Legebiltzarreko saioetan parte hartzekoa zen. Seguruenik, ezin izango da saio horietara joan.
Giltzurrunetako harriak botatzen dituenean, hobera egiten eta medikuen senda-agiria jasotzen duenean itzuliko da lanera lehendakaria.
Hobera ari da egiten
Edozein modutan, hobera egiten ari dela jakinarazi zuen atzo Idoia Mendia Eusko Jaurlaritzako bozeramaileak. Behar bezala sendatzen ari dela lehendakaria, «baina gaixotasun honek berez dituen baldintzekin».
Patxi Lopez Txagorritxuko ospitalean da, giltzurruneko kolikoak jota
Astearte gauean joan zen larrialdietako zerbitzuetara, eta ospitalean utzi zuten; hobera egiten ari da
Iruzkinak
Ez dago iruzkinik
Ordenatu
