Joxi Zabala GALek hil zuen. Juan Mari Jauregi, ETAk. Lehenengoaren arreba eta bigarrenaren alarguna Lazkaon izango dira gaur Berriketan izeneko solasaldietan. Euskal Herriko bakegintza prozesuaz eta gatazkaz antolatutako hitzaldi zikloa da Berriketan, Lazkaoko Gerriko Kultur Elkarteak antolatua, eta Zabala eta Lasarekin amaituko da gaur.
Otsailean, martxoan eta apirilean zehar banatuta, bost saio izan dira, eta Karlos Ioldi ETAko preso ohia da eta Harrera elkarte asistentzialaren lehendakariordea, Lokarriko kide Aitziber Blanco, Donostiako gotzain emeritu Jose Maria Setien, Pako Aristi idazle eta kazetaria eta Independentistak sareko Garbiñe Bueno eta Esti Mujika aritu dira aurreko hitzaldietan.
