Poliziaren erasoa salatu dute Barañaingo gazte batzuek

IRUÑEA. Barañainen (Nafarroa) gaztetxearen alde gose greban dauden gazteek eta haiei babesa ematen ari zaizkien herritarrek salatu dute ostegun iluntzean Guardia Zibila bortitz oldartu zitzaiela. Agerraldia antolatu zuten atzo arratsaldean, poliziak zauritutako pertsonen berri emateko eta Udalari jarrera aldaketa eskatzeko.