Poliziaren komisarian hildakoari buruz, «egia» eskatu dute Iruñeko kaleetan

IRUÑEA. Espainiako Poliziaren Iruñeko komisarian asteartean hildako Elhadji Ndiayerentzat «egia eta justizia» eskatu dute Nafarroako hiriburuan eginiko manifestazio batean. SOS Arrazakeriako Natalia Milok salatu du bertsio kontrajarriak daudela gertatutakoari buruz, eta uste du «motibazio arrazista» dagoela atxiloketaren atzean. Hainbat lekukok adierazi dutenez, poliziek konorterik gabe utzi zuten Ndiaye kalean bertan, eta halaxe eraman zuten atxilo.