Poliziei osasun etxeetarako sarrera arautuko dien protokoloa eskatu du EAk

Juanjo Agirrezabala EAren legebiltzarkideak mozio bat aurkeztu du Eusko Legebiltzarrean, poliziei osasun etxeetan sartzeko ahalmena mugatu eta arautu dadila eskatzeko. Martxoaren 3ko gertaeren ondotik egin du eskaera Agirrezabalak. Egun horretan, 1976ko martxoaren 3ko biktimak gogoratzeko manifestazioan zauritu zituzten pertsonen bila sartu zen Ertzaintza Gasteizko Santiago ospitalean, bortitz. Gertaera horiek argitzeko ikerketa hasi dezala eskatu dio EAk Osasun Sailari, ospitaleko enpresa batzordeak ertzainen jarrera aho batez salatu zuela ohartarazita.