Azpeitiko Udalaren ikurra eta Euskal Presoak Euskal Herrira leloa eta irudia batzen dituen pankarta Berdura plazako balkoitik kentzeko agindua jaso du Azpeitiko Udalak. Kenduko duela jakinarazi du Bilduren Udal Gobernuak, baina gogoz kontra egingo duela gaineratu du, «adierazpen askatasunaren kontra doalako».
Udalbatzak 2009ko uztailaren 2an onartu zuen pankarta hori jartzea eskatzen zuen mozioa, Amnistiaren Aldeko Mugimenduak aurkeztutakoa, eta pankarta uztailaren 22an jarri zuten. Handik hiru hilabetera, 2009ko urrian, Espainiako Estatuko Abokatuak helegitea jarri zuen mozioaren kontra. Udalak pankarta dagoen tokitik kentzeko agindua jaso du orain.
Presoen aldeko afixa kentzeko agindu diote Azpeitiko Udalari
Estatuaren Abokatuak duela bi urte aurkeztutako helegitearen ondorioa da agindua
Iruzkinak
Ez dago iruzkinik
Ordenatu
