Orain arte, prostitutak ziren Frantziako legearen jomugan. Legearen bidea aldatu eta, prostitutak zigortu ordez, bezeroak zigortzea da gaur bozkatu duten legeak dakartzan aldaketa nagusietako bat, eta bereziki eztabaida gehien sortu duen artikulua.
Legearen aurkakoek salatu dute erabaki horrekin prostitutek beren burua gordetzen segitu beharko dutela, eta horrek segurtasun falta eta arriskuak areagotuko dituela.
Aldekoek diote, berriz, erruduntasuna lekuz aldaraztea eta prostituta lagundu eta bezeroa erantzule bihurtzea dela ideia, “kontzientzia har dezan sare kriminalak elikatzen dituela bere jarrerarekin”, Segolene Neurville diputatu sozialistaren hitzetan.
