Miguel Sebastian ministro ohiak eman du PSOEren asmoen berri, telebista kate batean. Espainiako Konstituzioak ezartzen du hauteskundeak nola egin behar diren. Horren arabera, Ana Pastor Espainiako Kongresuko presidenteak Rajoyren inbestidurarako jarri zuen egunaren ondorioz, abenduaren 25ean errepikatu beharko lirateke Espainiako Gorteetarako hauteskundeak hirugarren aldiz. PPko hainbat kargudunek aitortu dute eguna apropos aukeratu zutela, presio neurri gisa, PSOEk Rajoyri presidente izaten utz diezaion —bigarren bozketan 11 abstentzio behar ditu gutxienez PPko hautagaiak—. PSOEk, ordea, lege proposamen bat aurkeztu nahi du hori aldatzeko.
Neurri horrekin Hauteskundeetako Lege Organikoaren 51. artikulua aldatu nahi dute sozialistek. Horretarako, ordea, babes handia beharko du. Alderdi guztien artean nahikoa kontsentsu bada, ordea, presidente bat aukeratzeko ez bezala, abenduaren 25a egun desegokia dela.
