Sakabanaketa salatzeko protestak egin dituzte presoek

Senide eta lagunak presoak bisitatzera zihoazela iaz izan zituzten auto istripuak salatzeko hainbat protesta burutu dituzte presoek espetxeetan, Askatasunak jakinarazi duenez. Zuerako espetxean espetxeko janariari uko egin diote asteburuan Juankar Balerdi, M.A. Benaito, Patxi Ruiz eta J.M. Dorronsororen senideek izandako auto istripua salatzeko. Curtiseko espetxean ere janariari uko egin zioten abenduaren 27an Almeriara zihoazen senideek izandako auto istripua salatzeko. Villabonako espetxean, berriz, abenduaren 28an, hileroko azken igandean egiten duten moduan, baraua egin zuten sakabanaketa salatzeko.