Sakabanaketak duela asko amaitu behar zuela uste du Barkosek

Euskal presoei ezartzen zaien sakabanaketa politika «salbuespen neurria» dela salatu du Uxue Barkos Geroa Baiko diputatuak, eta «duela denbora asko» amaitu behar zuela nabarmendu du. Gainera, sakabanaketa presoen senitarteko eta lagunentzat ere «zigorra» dela ekarri du gogora, eta beraz, «presiorako elementua» dela uste du. «Eragindako kaltea» onartzea ere ezinbestekoa dela uste du, «frankismoaren historian memoria errekuperatzea eskatu dugun bezala», esan du.