Salatu dute lanpostuak kentzen eta kargudunak gehitzen ari dela NUP

Elkarretaratzea dute gaur NUP Nafarroako Unibertsitate Publikoan, lanpostuak kentzen eta goi karguak gehitzen ari direla salatzeko. Ordezkaritza duten sindikatu guztiek elkar hartuta egin dute deia. Haien arabera, postuak gutxitzen ari da unibertsitatea; bulegarien artean egin dute hori, eta, ondorioz, arratsaldean hamar langiletik lau ez dira ari lanean. Aldi berean auzi ekonomikoetarako bulegoa sortzea salatu dute; sindikatuen ustez, lehen ere bada kontu horiei buruz arduratzeko bulego bat. «Arazo ekonomikoak aitzakiatzat jarrita zerbitzua kaskartzen ari dira, eta zuzendaritza gehiago jartzen». Gaur hartuko du erabakia NUPeko gobernu kontseiluak.