Joan den astean egin zituzten brebetako azterketak. Kolegio amaierako probak dira. Seaskako ikasleek arazoak izan dituzte aurten ere. Historiako eta Matematikako azterketak, bai, euskaraz egin ditzakete, baina Zientziakoa, ez. Ikasleek protesta egin zuten kolegio aitzinean, euskaraz egiteko eskubidea dutela galdegiteko.
Azterketa bera euskaraz egin zuten, gainera, Seaskako 180 ikasleek. Ohartarazi dute Hezkuntza kodeak baimentzen duela azterketak euskaraz egitea. Errektoretzak, ordea, euskaraz egindako azterketa horiek ez zuzentzeko agindu du. “Bahitu” egin ditu euskarazko probak, beraz.
Iaz ere Zientziako azterketa euskaraz egin zuten Seaskako ikasleek, eta zuzendu zituzten azkenean. Horretarako prest zeuden irakasle elebidunak baziren aurten ere.
Seaskak jakinarazi du mobilizazioetara deituko duela laster.
