Frantziako Asanblea Nazionalean eskuak altxatuz egin dute bozketa, eta fin de vie (bizitzaren amaiera) legea onartu dute. Alderdi Sozialistaren eta Errepublikarraren akordioaren ondorioa den legeak «sedazio jarraitua eta sakona» baimentzen du sendabiderik ez duten gaixoentzat, baina, debekatu egiten du eutanasia. Legea senatura joango da orain, eta han ere onartzea espero da.
"Sedazio jarraitua eta sakona" orain ere erabiltzen da Frantzian, baina hemendik aurrera "modu orokorragoan" aplikatuko dute. Medikua behartuta egongo da gaixoak aurretik idatziz utzitakoa betetzera.
