Kargurik gabe libre utzi ditu Donostiako Adingabeen Fiskaltzak atzo Ertzaintzak Segurako aterpetxeari su ematea egotzita atxilotutako lau adingabeetako bi. Lauei deklarazioa hartu ondoren erabaki du libre uztea Fiskaltzak. Beste bien kontra, ordea, neurriak hartu ditu: bietako bat erreformatorio batean sartzeko agindu du, eta bestea terapia zentro batean. 15 eta 16 urte dituzte lau mutikoek.
Segurako Aingeru Guardakoaren aterpetxea adingabeko etorkinak jasotzeko erabili da azken boladan, Tolosako harrera zentroa konpondu bitartean. Hain zuzen ere, gaztetxo horiek gaur itzuli behar zuten Tolosara. Atzo sutea piztu zen, ustez adingabeek eurek eraginda, eta eraikinaren zati handi bat erre zen.
Gizartea
Segurako aterpetxeari su ematea egotzita atxilotutako adingabeetako bi aske utzi dituzte
Beste bietako bat erreformatorio batean sartuko dute, eta bestea terapia zentro batean. Segurako aterpetxea etorkin adingabeak hartzeko erabili dute azkenaldian. Atzo erre egin zen zati handi bat, ustez adingabeek su emanda. Lau atxilotu egin zituzten atzo.
Iruzkinak
Ez dago iruzkinik
Ordenatu
