Astero joaten da Bilbora, mendikuarengana, osatzeko ariketak egitera. Renfeko trenean joan nahi luke, baina ezin du. "Injustizia bat da", salatu du. Medikua da bera lanbidez, baina 2014an garun hemorragia izan zuen, eta orduaz geroztik gurpildun aulkian dago. Astean bitan joaten da Urduñatik Bilbora, osatzeko ariketak egitera.
Autoan eraman behar izaten dutelako joaten da bi aldiz. Izan ere, trenean joaterik balu, egunero joango litzateke. Renfeko trenera igotzea, baina, ezinezkoa egiten zaio gurpildun aulkiarekin.
Ultra-arin motordun batean Urduña gainean hegan ibili da gaur, trenera igotzeko zailtasunak salatzeko. Trena egokitzeko eskatuz sinadura bilketa ere abiatu zuen urtearen hasieran, eta 119.000 sinadura lortu ditu.
