Arabako PPko presidente Alfonso Alonsok Radio Euskadin egindako elkarrizketa batean esan du Udal Legearen onarpena "askoz ere errazagoa" izango zela Eusko Jaurlaritzak Diputazioekin hitzarmenak egiteko "gutxieneko saiakera" egin izan balu. "Hau guztia askoz ere errazagoa izango zen Eusko Jaurlaritzak Diputazioekin eta alderdi politikoekin hitzarmenak lortzeko saiakeraren bat egin izan balu". Beharrezko eztabaida publikorik gabe eta funtsezko erakundeen akordiorik gabe Udalen Legea arurrera atera izana leporatu dio Jaurlaritzari.
Alonsok lege honen garrantzia azpimarratu du eta esan du udalei dagozkien ardurak argitzen lagunduko duela. Aldin berean, argi utzi du PPrentzat Udalen Legearen "marra gorria" Diputazioei dagozkien eskumenetan dagoela.
Alonsok aitortu du PP EAJrekin bat etorri dela Diputazioen defentsa egiterakoan, baina argitu du PPk ez duela inoren aurkako akordiorik sinatuko "ez EAJrekin PSEren aurka, ezta PSErekin erakunderen baten aurka ere".
