Gaur goizean hasi dituzte hego Euskal Herrian unibertsitatera sartzeko probak. Orotara 12.000 ikasletik gora dira azterketa hauek egiteko aurkeztu direnak.
Batxilergoa amaitu berri dutenez gain, Lanbide Heziketa amaitu dutenak eta aurreko azterketetako nota hobetu nahi dutenak ere badira azterketara aurkeztu direnen artean. Iparraldean, berriz, hilaren 16an egingo dute baxoa.
Bi atal izango ditu azterketak, orokorra eta espezifikoa. Bigarrenak nota igotzeko balio du. Mota honetako azterketa, ordea, desagertzear egon daiteke hezkuntza erreformaren ondorioz. Izan ere, LOMCEk ikasleek batxilergoko bigarren mailan egingo luketen azterketa orokorra egitea aurreikusten du.
