Labi batzordeak joan den ekainaren 18an izan zuen azken bilera Arabako, Bizkaiko eta Gipuzkoako egoera epidemiologikoa aztertzeko. Orduko hartan eztabaidatutakoa oinarri, izurriteari kontra egiteko neurriak arintzea erabaki zuen Eusko Jaurlaritzak. Aldaketek ostalaritzari eragin zioten, batik bat. Hain zuzen ere, malgutze horiek jakinarazi berritan iragarri zuen Eusko Jaurlaritzako lehendakari Iñigo Urkulluk hurrengo bilera hogei eguneko epean eginen zela; bete da hitza. Labi batzordea uztailaren 7an elkartuko da berriz.
Gainera, Jaurlaritzak jakinarazi duenez, beste zeregin baterako ere bilduko dira Labiko kideak: IV. Bizi Berri plana onartuko dute bilkuran.
