Sei urteko erregimen itxia eta hiru urteko zaintzapeko askatasuna ezarri diote Ibon Urrengoetxea zornotzarraren hilketarengatik epaitua izan den 16 urteko adingabeari, El Correo egunkariak jakinarazi duenez. Iazko abenduaren 23an izan zen jazoera; bi adingabek eraso egin zioten Urrengoetxeari; ustezko lapurreta baten biktima izan zen Bilbon, Nafarroa kalean. Aurre egin zien adingabeei, eta erori eta hil egin zen, buruan kolpe bat hartuta.
13 urte besterik ez ditu gertaera horren ondorioz identifikatu zuten beste gazteak, eta, horregatik, ezin izan dute epaitu. Hala ere, uztailaren 19an Bilboko Adingabeen Epaitegian egin zen ahozko ikustaldian egon zen.
