Urruntze aginduak ezartzeko sistema ontzat jo du Europak

Europako Batasuneko Justizia Auzitegiak baliozkotzat jo du Espainiako Estatuan genero indarkeria kasuetan erabiltzen den urruntze aginduen sistema. Horren ondorioz, zigortutako pertsona guztiek bete egin beharko dituzte epaileek ezarritako aginduak, baita genero indarkeriaren biktimak tratu txarren eragilearekin harremana izan nahi duenean ere.

Auzitegiaren arabera, arautegiak aukera ematen dio biktimari zigor prozesuan parte hartzeko; nolanahi ere, epaitegiaren erabakiak haren iritziaren kontrakoak ere izan daitezke. Hori dela eta, Europako auzitegiaren iritziz, urruntze aginduak bete egin behar dira kasu guztietan, nahiz eta biktima erabakiaren kontra egon.

Era berean, epaiak dio Europako estatuek genero indarkeriaren kontra ezartzen dituzten zigor neurrien helburu bakarra ez dela biktimak babestea, «baizik eta gizartearen interes orokorragoak babestea».

Tarragonako (Herrialde Katalanak) auzitegiak abiatu zuen auzia. 17 eta 18hilabetez bikotekideekin harremanik ez izateko zigorra ezarri zien bi gizonezkori, baina horiek ez zuten agindua bete, eta berriro ere bikotekideekin bizitzen jarri ziren.