URTEBETE LAN HITZARMENAREN ESKE

Iragan urteko martxoaz geroztik etenda daude langileen eta zuzendaritzaren arteko negoziazioak Nafarroako Amma enpresaren menpeko zaharren egoitzetan. Elkarretaratzea egin zuten atzo Nafarroako Kutxaren egoitza nagusiaren aurrean; Amma enpresako akziodun nagusia da kutxa. Jarrera aldatzeko eskatu diote beharginek zuzendaritzari, «gero eta eskaintza okerragoak» egiten ari dela baitiote. 600 adineko inguru dituzte Ammaren egoitzetan; erdiak, itunpean.